अभिनव पब्लिक स्कूलच्या ६ खेळाडूंची राज्यस्तरीय बाल मैदानी स्पर्धेसाठी निवड
शनिवार दि. ८ फेब्रुवारी २०२५ रोजी सोलापूर जिल्हा सब ज्युनिअर ॲथलेटिक असोसिएशन यांच्या वतीने घेण्यात आलेल्या जिल्हास्तरीय बाल मैदानी स्पर्धेत अभिनव पब्लिक स्कूल अजनाळे च्या विद्यार्थ्यांनी १ सुवर्णपदक, ५ रौप्य पदक आणि ३ कांस्यपदक पटकावित घवघवीत यश संपादन केले.
यामध्ये प्रतिक नितीन अडसूळ 8 वर्ष वयोगटातून 50 मीटर धावणे जिल्हा द्वितीय, 100 मीटर धावणे जिल्हा द्वितीय, स्टॅंडिंग ब्रॉड जंप जिल्हा तृतीय, श्रावणी प्रकाश लेंगरे 8 वर्ष वयोगटातून स्टँडिंग ब्रॉड जंप जिल्हा प्रथम, हर्षिता संदीप कोळवले 8 वर्ष वयोगटातून 100 मीटर धावणे जिल्हा द्वितीय, स्टॅंडिंग ब्रॉड जंप जिल्हा द्वितीय, स्वरांगी राहुल कोळवले 8 वर्ष वयोगटातून स्टॅंडिंग ब्रॉड जंप जिल्हा द्वितीय, स्वराली रोहित बनकर 10 वर्षे वयोगटातून स्टॅंडिंग ब्रॉड जंप जिल्हा द्वितीय, सुहानी रमेश चोरमले 14 वर्षे वयोगटातून लॉंग जंप जिल्हा तृतीय आदी खेळाडूंनी आपल्या दमदार कामगिरीच्या जोरावर हे यश संपादन केले.
सदर खेळाडूंची राज्यस्तरीय स्पर्धेसाठी निवड झालेली असून विद्यार्थ्यांना क्रीडा शिक्षक विशाल पाटील सर यांचे मार्गदर्शन लाभले. सर्व यशस्वी खेळाडूंचे संस्थाध्यक्ष शिवाजी लाडे सर व मुख्याध्यापिका कावेरी गिड्डे यांनी अभिनंदन केले तसेच शिक्षक, शिक्षकेतर कर्मचारी व पालक यांनी अभिनंदन करून पुढील वाटचालीस शुभेच्छा दिल्या.
